Објавена снимка, најмалку пет борбени авиони го придружуваат „Ер Форс Уан“ на патувањето на Трамп во Саудиска Арабија
„Ер Форс Уан“ се приближувал кон Саудиска Арабија, а најмалку пет борбени авиони наводно го придружувале авионот на американскиот претседател додека се подготвувал за слетување.
Ова беше презентирано и во видео споделено од заменик-шефот на кабинетот на Белата куќа, Ден Скавино, пренесува Телеграф.
Да потсетиме дека Доналд Трамп слета во Саудиска Арабија за да ја започне својата важна тридневна турнеја на Блискиот Исток.
Good morning from Air Force One, Saudi Arabia! Thank you for the escort, and having President Trump’s back—We all appreciate it. See you on the ground shortly, THANK YOU!!!🇺🇸🇸🇦 pic.twitter.com/iGuqfCvnwt
— Dan Scavino (@Scavino47) May 13, 2025
Ова е негово прво големо дипломатско патување во странство во неговиот втор мандат, а ќе вклучува и посети на Катар и Обединетите Арапски Емирати.
И како што проценуваат медиумите, ова го означува почетокот на „многу историска недела“ и за Блискиот Исток и за САД.
Тие потсетуваат дека престолонаследникот на Саудиска Арабија, Мохамед бин Салман, веќе вети околу 600 милијарди долари инвестиции и вели дека „ова патување ќе биде за голем бизнис и големи инвестиции“.
