Објавено од што боледува поранешната прва дама на САД! Потврдена е дијагнозата – Белата куќа веднаш реагираше

Розалин Картер, поранешна прва дама на САД и сопруга на поранешниот претседател Џими Картер, има деменција, објавија американските медиуми.

„Семејството Картер сака да сподели со вас дека поранешната прва дама Розалин Картер има деменција. Таа продолжува да живее среќно дома со својот сопруг, уживајќи во пролетта и посетите на најблиските“, соопштило семејството. Дополнителни детали за Розалин Картер (95 г.) не биле веднаш достапни и семејството кажало дека не очекува дополнителни коментари.

„Како прва дама, Розалин Картер го направи застапувањето за менталното здравје своја платформа и формираше претседателска комисија за ова прашање за време на нејзиниот престој во Белата куќа, наследство што продолжува и денес“, се вели во соопштението додавајќи дека ова е „важен чекор кон отворањето на разговорот на оваа тема во јавноста“.

Во февруари беше објавено дека поранешниот претседател Џими Картер (98 г.) добива палијативна нега дома, по неколку кратки престои во болница.

„Џо и Џил Бајден останаа во контакт со тимот на поранешниот претседател за „да се уверат дека нивното семејство знае дека сигурно се во мислите на претседателот и првата дама“, изјави портпаролката на Белата куќа, Карин Жан-Пјер на брифинг со новинарите.