ОБЈАВЕН ШОКАНТЕН ИЗВЕШТАЈ ОД ФРОНТОТ – Руски војници одбиле да се борат откако командантите побегнале како ‘стаорци’: “Ги оставија сами да умрат…“

Руските војници во Украина, наводно, одбиле да се борат откако нивните команданти побегнале како „стаорци“ од фронтот, пишува Newsweek.

Рускиот независен медиум на Astra во вторникот објави дека неговите новинари биле контактирани од Евгенија, сопруга на мобилизиран војник по име Евгениј П., која кажала дека командантите на неговата единица му наредиле на него и на неговите повредени соборци да нападнат во источна Украина, но се повлекле кога се нашле под силно украинско гранатирање.

Евгениј П., наводно, добил повреди од шрапнели во мај во близина на градот Бахмут додека се борел со 27-та одделна гардиска моторизирана бригада, но не му била укажана помош откако бил испратен во болница. Тој бил испратен дома на еден месец на „рехабилитација“ и прераспореден да се бори во Украина.

Овие војници биле однесени во правец на Сватов во источна Украина и оставени во шумата без средства за егзистенција. Кога единицата била нападната, командантите, водачите на четите и сите што биле задолжени таму само избегале како „стаорци“, оставајќи ги момчињата сами да умрат под гранати.

Откако одбиле да се борат, Евгениј П. и неговите колеги војници, наводно, биле собрани од нивните команданти и затворени во подрум во селото Заицево во регионот Донбас во Украина.

Astra, кој е проект на независни руски новинари, претходно објави дека 300 мобилизирани Руси се држат во подрум во Заицево бидејќи одбиле да се вратат на фронтот.

За инцидентот Евгениј П. на 18. септември ја известил сопругата, по што таа изгубила контакт со него.

Ова не е прв извештај дека руски команданти бегаат од битката во Украина. Во ноември 2022 година, мобилизираниот војник, Олексеј Агафонов, тврдеше дека воените офицери побегнале од битката.