„Ова веројатно ќе биде крајот на животот каков што го знаеме“ – Маск предупредува дека Сонцето ќе ја уништи Земјата

Основачот на SpaceX долго време изјавува дека човештвото треба да го прошири своето присуство во Сончевиот систем – особено на Марс, што е најсоодветната и најостварлива цел – за да не исчезнеме ако нешто лошо се случи со Земјата.

Сепак, ова „ако“ важи само на краток рок; на многу долг рок, нешто лошо дефинитивно ќе се случи, според Маск.

Сонцето станува сè посветло и потопло со текот на годините, пишуваат странските медиуми.

„Ова веројатно ќе биде крајот на животот каков што го знаеме“, изјави Илон Маск за Вотерс во интервјуто, кое неодамна го емитуваше „Фокс њуз“ .

„Значи, на крајот, целиот живот на Земјата ќе биде уништен од Сонцето. Сонцето постепено се шири, и затоа во одреден момент мора да бидеме мултипланетарна цивилизација, бидејќи Земјата ќе изгори.“

Маск – кој раководи со Одделот за владина ефикасност на администрацијата на Трамп за намалување на трошоците и регулативите – процени дека имаме околу 450 милиони години „пред Сонцето да стане толку жешко што животот ќе биде невозможен“.