Ова драматично ги менува работите: Како Коста научи да пука? Сопственикот на стрелачкиот клуб во кој одеше момчето убиец откри нови детали!

Ратко Ивановиќ, претседател на белградскиот стрелачки клуб „Партизан“, изјави дека момчето кое уби девет негови врсници и припадник на осигурувањето во основното училиште „Владислав Рибникар“ никогаш не пукало на стрелиштето каде што доаѓало заедно со неговиот татко кој таму вежбал стрелање, пишува Курир.

„Таткото од време на време доаѓаше кај нас. Го носеше и синот, но момчето никогаш не влезе во стрелиштето, а камоли да пукаше. Седеше во градината на кафулето пред стадионот. Го чекаше надвор и не влегуваше. Можеби се обидел да влезе, но тврдам дека во тој случај инструкторот веднаш ќе го отстранеше“, вели Ивановиќ.

Тој објаснува дека од кога се случи невиденото злосторство во Врачар, медиумите изнесуваат неточни информации и тврдење кои, како што вели, едноставно не држат место.

„Тврдам. Повторувам, тврдам… Момчето сигурно не пукало. Ние како клуб соработуваме со полицијата и се она што тие побараа како информации или документација по злосторството, им го предадовме. Снимките од безбедносните камери од стрелиштето се предадени, како и дневниците за стралање, список со муниција и се друго што побарале“, објаснува претседателот на стрелачкиот клуб и додава:

„Снимките од камерата се чуваат минимум четири месеци, а најверојатно и до една година, стрелиштето е под видео надзор 24 часа на ден и секој што ќе влезе мора да му се легитимира со лична карта на инструкторот кој тие податоци ги пишува во дневникот на гаѓање.

Инаку, стрелиштето редовно го проверува полицијата и не само дневниците туку и се останато поврзано со неговото работење. Од обвинителството потврдија дека е формиран посебен предмет со цел да се утврдат сите околности поврзани со работата и однесувањето на Стрелачкиот клуб „Партизан“ и дека на полицијата и е наредено да ги собере потребните информации.

Се утврдува дали со некој внатрешен акт се пропишани условите за користење на услугите на овој стрелачки клуб, дали е дозволен или забранет пристап на малолетници и деца и друго. Исто така, побарано е да се утврди дали таткото е еден од корисниците на Стрелачкиот клуб „Партизан“, дали тој и неговиот син се обучени за ракување со огнено оружје и дали таткото носел сопствено огнено оружје за пукање и дали истото го користел и неговиот син во стрелиштето.

Исто така, потребно е да се утврди колку пати таткото и неговиот син ги користеле услугите на стрелиштето, дали споменатото момче доаѓало само или во придружба на родителите, дали тие се занимавале со стрелачки спортови и дали имале обврска да поднесат лекарско уверение за користење на услугите на стрелиштето рекреативно или како спортска активност. Покрај другото, побарано е и утврдување на видот, марката, моделот, калибарот и фабричкиот број на огненото оружје за кое на таткото на момчето му било дадено одобрение од надлежен орган.

Се проверува и која здравствена установа му издала на таткото уверение за здравствена способност за набавување и држење оружје, дали има обврска за продолжување на ова одобрение, како и како надлежниот орган оценил исполнување на сите услови предвидени во Законот за оружје и муниција кога го издал одобрението за набавување и поседување огнено оружје.

Инаку, Вишото обвинителство веќе води постапка против таткото затоа што тој не обезбедил соодветно чување на оружјето што неговиот син го употребил во масовното убиство во Врачар, пишува Курир.