Ова е најлошото прашање што можете да го поставите на децата! Психолог откри што многу родители грешат
Најновото истражување покажа дека две третини од родителите се жалат дека нивните деца се некомуникативни на масата, а најголем проблем имаат родителите на тинејџерите. Развојниот когнитивен невролог и психолог, професор Сем Вас, кој беше вклучен во студијата, верува дека можеби на нашите деца им поставуваме погрешни прашања и дека во тоа лежи проблемот, но и решението.
Повеќе од една четвртина (28 проценти) од родителите се чувствуваат под стрес обидувајќи се да разговараат со своите деца за време на оброците, додека 86 проценти би сакале да внесат повеќе енергија, забава и ангажираност на семејните вечери.
Сепак, развојниот когнитивен невролог и психолог, професор Сем Вас, кој беше вклучен во студијата, верува дека можеби на нашите деца им поставуваме погрешни прашања.
Имено, родителите се фрустрирани од кратките одговори на прашањето: „Како ви помина денот?“, а професорот Вас смета дека токму ова прашање е проблемот.
Тој предлага да поставувате помалку генерички, подиректни прашања кои се засноваат на работи што го прават вашето дете среќно, како на пример: „Што мислат вашите пријатели за вашите нови чевли/фризура/училишна чанта?“
– Ставањето на другите луѓе во фокусот на разговорот, исто така, може да ги натера тинејџерите да се чувствуваат порелаксирано. Можете да го прашате вашето дете: „Како беше вашиот најдобар пријател денес и што се случи со него на училиште? или нешто поконкретно како: „Што е најдоброто нешто што ти се случи денес?“ предлага д-р Вас.
Речиси половина од родителите (48 проценти) се согласуваат дека поставувањето конкретно прашање помага да се добијат повеќе информации за денот на нивното дете на училиште.
– Кога сите сме уморни на крајот од денот, паѓаме во замката на еднонасочните прашања и одговори. Разговорот за вечера може да биде предизвикувачки, но добро е да се запамети дека не секогаш се работи за тоа какви прашања поставувате, туку како ги поставувате – истакнува д-р Вас.
Тој, исто така, вели дека децата можат да бидат мотивирани да разговараат со надворешни дразби, односно да започнат разговор по заедничкото играње или додека подготвуваат оброк.
– Почетокот на новата учебна година може да биде тежок преоден период за родителите. Навикнати сте да знаете се што се случува со вашите деца, а потоа е тешко да извлечете повеќе од неколку зборови од нив – изјавил професорот, а пренесува Мирор.
