ОВА Е НАЈСТУДЕНОТО МЕСТО ВО СВЕТОТ – На -40 радијаторите не им работат, а жителите вода може да пијат само кога ќе стопат блок мраз

Јакутск е сибирско село каде температурите од -40 степени Целзиусови се вообичаени, додека радијаторите престануваат да работат поради замрзнати цевки. Жителите на најстуденото село во светот се навикнале на живот без греење бидејќи цевките постојано мрзнат поради ниските температури, пишува The Mirror.

Јакутск има население од 355.443 жители кои мора да носат многу густа облека поголемиот дел од годината. Најниската забележана температура оваа година била -62,7 Целзиусови, па -40 се смета за сосема нормална.

Веќе знаејќи дека радијаторите ќе замрзнат, наутро жителите веднаш тргнуваат да набават дрва за да ги загреат шпоретите. Водата за пиење е исто така предизвик, па често се топат и варат ледени блокови. Куќите се изградени за да задржат што е можно повеќе топлина.

Мештаните велат дека штом ќе излезете од дома чувствувате дека трепките ви смрзнуваат, а прстите и лицето ви се чувствуваат како игли да ве боцкаат.

Децата не одат на училиште само кога температурите паѓаат под -55 степени. Мажите се занимаваат со риболов: дупчат дупка во мразот и фаќаат ручек за семејството. Мештаните на почетокот на годината го нападнаа Владимир Путин бидејќи тој не прави ништо за да им помогне. Постојано се без струја.

„Сè се распаѓа. Владимир Путин наоѓа пари за војната во Украина, хиперсонични ракети и луксузни палати, а обичните луѓе смрзнуваат“, се пожалија тие.

Во јануари најхрабрите се капат во реката Лена за да го одбележат православниот Богојавление. Тие се качуваат по мала скала во куќиште исполнето со мраз додека термостатот покажува -49 степени Целзиусови.

Овде доаѓаат од цела Русија за да покажат дека се „вистински мажи“.