Ова е првиот човек кој ја прими новата вакцина против рак на белите дробови! Тој е оптимист и верува дека ќе се излечи

Јанус Рац (67) од Велика Британија е првиот пациент кој ја прими новата вакцина против рак на белите дробови.

Рац учествувал во експериментот со голем оптимизам и ако се биде во ред, тоа би можело да биде почеток на револуционерен третман.

Во мај му беше дијагностициран рак , а набрзо почна со хемотерапија и радиотерапија.

Рач е научник кој е специјализиран за вештачка интелигенција. Тој рече дека неговата професија го инспирирала да учествува во ова истражување.

– И јас сум научник и разбирам дека напредокот на науката – особено во медицината – лежи во тоа што луѓето се согласуваат да бидат вклучени во такви истражувања – рече тој.

– Оваа вакцина е нова методологија која не е достапна за другите пациенти и која може да ми помогне да се ослободам од ракот – додаде тој.

Рач рече дека би можел да биде дел од тимот кој може да обезбеди доказ за концептот за оваа нова методологија.

 – И колку побрзо се имплементира во светот, толку повеќе луѓе ќе бидат спасени – рече тој.

Рач прими шест последователни инјекции со разлика од пет минути во вторникот во установата за клиничко истражување на Националниот институт за здравствени истражувања во UCLH.

Секоја доза содржела различни нишки на РНК. Тој ќе ја прима вакцината секоја недела шест недели по ред, а потоа на секои три недели во текот на 54 недели.

Рац и претходно покажа дека има силна волја. Пред осум години истрча маратон во Атина. Сега има за цел да трча на Лондонскиот маратон за три години.

Професорот Сиоу Минг Ли, онколог на Универзитетскиот колеџ во Лондон, кој го води испитувањето на вакцините во Велика Британија,  рече :

– Се надеваме дека додавањето на овој дополнителен третман ќе го спречи враќањето на ракот.

Тој додаде:

– Работам на истражување на ракот на белите дробови веќе 40 години. Кога почнав во 1990-тите, никој не веруваше дека хемотерапијата делува. Сега знаеме дека околу 20-30 проценти остануваат живи со стадиум 4 со имунотерапија и сега сакаме да ги подобриме стапките на преживување. Затоа се надеваме дека оваа mRNA вакцина, покрај имунотерапијата, може да даде дополнителен поттик.  Се надеваме дека ќе преминеме во фаза 2, фаза 3, а потоа се надеваме дека ќе стане стандард за нега низ целиот свет и ќе спаси многу пациенти со рак на белите дробови,  заклучи Ли, според Гардијан.