“ОВА НЕ Е ПРВ ПАТ!“ – Меланија Трамп во ‘тајни преговори’ за предбрачен договор пред претседателските избори: Дали ги користи правните проблеми на Доналд Трамп во своја полза !?

Поранешната прва дама на САД, Меланија Трамп (53 г.) се чини дека „тивко“ преговарала за нејзиниот предбрачен договор со поранешниот американски претседател Доналд Трамп (77 г.), пред неговиот потенцијален втор мандат во Белата куќа.

„Во текот на изминатата година, Меланија и нејзиниот тим тивко преговараа за нов ‘постбрачен’ договор меѓу неа и Доналд Трамп. Ова е барем трет пат Меланија повторно да преговара за условите од нејзиниот предбрачен договор. Меланија е најмногу загрижена за обезбедување доволно средства за нивниот син Барон“, открил извор за магазинот Page Six.

Новиот договор предвидува и одредена сума пари и имот за Меланија Трамп, наведува изворот.

„Знам дека сакаше да и обезбеди повеќе пари, а исто така, разбирам дека има одредена минимална сума што треба да ја добие Барон“, открил друг извор за Page Six.

Првиот извор, исто така, додава дека ова прашање се појави сега не само затоа што Доналд Трамп потенцијално би можел да служи уште еден мандат како претседател на САД, туку и поради неговите неодамнешни правни битки.

„Овој договор беше неопходен поради тековните правни битки… Доналд Трамп претрпе поради нив“, додал изворот, осврнувајќи се на тужбата на њујоршкиот обвинител Летиција Џејмс од 250 милиони долари против Доналд Трамп и неговиот бизнис со недвижнини, како и наредба да плати пет милиони долари на Е. Џин Керол за клевета.

Доналд Трамп се изјасни за невин во случајот Летиција Џејмс и се жали на случајот Е. Џин Керол.

„Доналд Трамп е сè уште многу богат, но неговите правни сметки и бројот на пресуди растат“, открива изворот, додавајќи дека предбрачниот договор што го договорила Меланија Трамп ќе обезбеди поцврста иднина за неговата сопруга и синот доколку парот се раздели.

Ова не е прв пат да се појави вест за прекројување на предбрачниот договор меѓу Доналд Трамп и Меланија. Веста претходно ја демантираше нејзината поранешна портпаролка, нарекувајќи ја „измислица“, за да иронично подоцна напише своја книга за Меланија Трамп, за која нејзиниот тим кажа дека е полна со лага и предавство.

Книгата „Нераскажаната приказна за Меланија Трамп“ од Мери Џордан од The Washington Post известува дека поранешната прва дама повторно преговарала за предбрачниот договор во 2017 година, во исто време таа го одложувала преместувањето од Менхетен во Белата куќа.

Таа книга, која се заснова на повеќе од сто интервјуа, го наведува следново: „Таа сакаше писмен доказ дека Барон ќе биде третиран како поеднаков финансиски и наследен од трите најстари деца на Доналд Трамп“, мислејќи на децата што ги добила со неговата поранешна сопруга Ивана Трамп – Иванка, Дона Џуниор и Ерика. Доналд Трамп има и ќерка Тифани Трамп со поранешната сопруга Марла Мејплс.

Поранешната портпаролка на Меланија Трамп, Стефани Гришам, остро ја критикуваше книгата и делот за предбрачниот договор, велејќи: „Уште една книга за г-ѓа. Трамп која е полна со лажни информации и извори. Оваа книга припаѓа во жанрот на фикцијата“. 

Иронично, истата портпаролка објави своја книга за Меланија Трамп само една година подоцна, во 2021 година. Во својата книга, таа ја нарече осудена француска кралица која беше отфрлена, поразена и одвоена од сите.

Page Six наведува дека Доналд Трамп и неговиот тим соработници ја гледаат Меланија Трамп како нивно „тајно оружје“ во политиката. Извори блиски до поранешната претседателска двојка тврдат дека таа е одговорна за тоа што Доналд Трамп успеал да остане „смирен и фокусиран“ во најстресните периоди.

„Таа му дава мирен живот кога му треба“, додал изворот.