“ОВА НЕ Е ПУТИН, ОВА Е НЕГОВ ДВОЈНИК!“ – Украински новинар забележа фасцинантен детал кој открива многу: “Тоа е само ПР агенда и фотосесија!“ (фото/видео)
Продолжуваат шпекулациите за тоа како појавувањето на Владимир Путин во Мариупол е производ на дејствијата на еден од многуте двојници кои рускиот претседател наводно ги користи редовно.
Според Кирило Буданов, прв човек на украинската воена разузнавачка служба, Киев успеал да открие дури три различни двојници на Владимир Путин.
Советникот за внатрешни работи на Украина, Антон Герашченко на социјалните мрежи сподели три фотографии од рускиот претседател со заоблен долен дел од главата. Фотографиите го споредуваат профилот на Владимир Путин од Москва, во јануари, и фотографиите направени за време на патувањето во пристанишните градови Севастопол и Мариупол во март.
Овие фотографии покренаа лавина од тврдења, а на истите се забележува дека на фотографиите од Москва, Владимир Путин има многу поцврсто обликувана брада отколку на фотографиите од Севастопол или Мариупол. Сепак, некои ја забележале и линијата на косата, која, како што велат, на некои фотографии изгледа поинаку. Андриј Јусов, офицер во воената разузнавачка служба на Украина, изјави за Kyiv Post дека – „човек кој личи на Владимир Путин го посети Мариупол“.
Иако овие тврдења никогаш не беа докажани, во последната година, откако започна инвазијата на Украина, овие и слични тези зачестија. Озлогласениот терорист и поранешен командант на руските паравоени формации, Игор Гиркин, инаку многу критично настроен кон раководството на Кремљ, наведува дека штом Владимир Путин се појавил во јавноста, тоа значи дека тоа не е тој туку негов двојник.
„Кога ќе го видам наводниот Владимир Путин во толпата, веднаш знам дека гледам двојник, а никој не знае што вели тој двојник, веројатно зборува глупости“, вели Гиркин во видеото снимено пред неговата посета на Мариупол.
Украинскиот генерал Вадим Скибицки исто така тврди дека Владимир Путин нашироко ги користи двојниците, велејќи дека – „понекогаш е тешко да се одреди дали е вистинскиот Путин или некој што го заменува“.
Портпаролот на Кремљ, Дмитриј Песков тврди дека посетата на Мариупол била „спонтана“. Сепак, многу корисници на социјалните мрежи забележаа дека безбедносната мрежа што вообичаено го опкружува Владимир Путин, во Мариупол не е на ниво. Видеото покажува, на пример, како Владимир Путин вози автомобил без да бидат блокирани патиштата. Новинарот Дмитри Колежев се запраша: „Зошто не се блокирани патиштата, верувате ли во ова ?!“
Во меѓувреме, популарниот канал на социјалната мрежа Телеграм – General SVR – кој тврди дека има извори во Кремљ, вели дека Владимир Путин не бил во Севастопол и Мариупол.
„Информациите дека Владимир Путин ги посетил Крим и Мариупол не се точни“, беше објавено на каналот во објавата напишана на англиски јазик во понеделникот и се додава: „Двојникот на претседателот се појави на Крим на кратка посета, тоа е само ПР видео и фотосесија“.
