Ова се девојките кои Хамас треба да ги пушти! Семејствата со нетрпение ги чекаат, ова е зделката (ФОТО/ВИДЕО)

Хамас ги објави имињата на „четири жени израелски војници“ кои треба да бидат ослободени во сабота, како дел од втората серија на размена на палестински затвореници што ги држи Израел според договорот за прекин на огнот во Газа.

„Како дел од размената на затвореници, бригадите Ал-Касам одлучија да ослободат четири жени војници“, рече Абу Обеида, портпарол на вооруженото крило на Хамас на Телеграм.

Од кабинетот на израелскиот премиер Бенјамин Нетанјаху веднаш потврдија дека добиле „список на заложници“ кои би можеле да бидат ослободени преку посредник.

Хамас објави дека станува збор за војниците Карина Ариев, Даниела Гилбои, Нами Леви и Лира Албаг.

Тие беа киднапирани од воената база Нахал Оз и беа дел од единицата што ја надгледуваше границата на Израел со Газа.

Тие треба да бидат разменети за 180 палестински затвореници од Израел.

Извор од Хамас потврди дека четирите жени ќе му бидат предадени на Црвениот крст денеска.

Првата фаза од тековниот прекин на огнот, кој се очекува да трае шест недели, започна во неделата и се очекува да биде размена на 33 заложници за околу 1.900 палестински затвореници.

Три млади жени беа ослободени минатиот викенд, а Израел ослободи 90 Палестинци.

Палестинските затвореници кои треба да бидат ослободени во сабота се во потешка категорија од оние кои беа ослободени во првата размена. Меѓу нив ќе има и оние кои извршиле убиства, а некои од нив одлежуваат и повеќе од 15 години затвор.

Израел инсистираше на тоа дека никој вмешан во нападите на 7 октомври 2023 година нема да биде ослободен.

Прекинот на огнот во Газа од неделата во голема мера се почитува, со неколку инциденти.