Ова се намирниците кои треба да ги вклучиме во исхраната кога сме под стрес

Стресот е неизбежен дел од животот, но како да се справиме со него е клучно. Воведувањето одредени намирници во вашата исхрана може да помогне да се намали стресот.

Др. Раџ Дасгупта советува дека она што го јадеме може да влијае на тоа како телото реагира на стрес. Така, за да се олесни ова, Др. Дасгупта ја нагласува важноста на хранливите материи како магнезиум и омега-3 масните киселини, кои го поддржуваат нервниот систем и го намалуваат воспалението.

Невропсихологот Др. Санам Хафез додава дека хроничниот стрес го осиромашува магнезиумот и витамините Б, додека здравата исхрана помага да се стабилизира шеќерот во крвта, да се намали воспалението и да се одржи здравјето.

Стресот често нè наведува да посегнеме по храна која дава краткорочно олеснување, но е штетна на долг рок. Белото брашно и шеќерот привремено ги зголемуваат серотонинот и допаминот, но на долг рок предизвикуваат нестабилен шеќер во крвта, воспаленија и недостатоци во исхраната, објаснува Хафез. Не е неопходно целосно да се елиминира нездравата храна, но треба да се консумира умерено и да не се користи како главна алатка за ослободување од стресот, пишува Verywell Mind.

Најдобрата храна за намалување на стресот

Еве неколку намирници кои лесно може да ги вклучите во вашата исхрана и кои можат да му помогнат на вашето тело да се справи со стресот.

Темно чоколадо

Богат е со антиоксиданси и магнезиум, му помага на телото да се опушти и го подобрува расположението. „Едно мало парче може да биде одлично задоволство во стресни времиња“, вели др. Раџ Дасгупта. Темното чоколадо, кое е побогато со какао и има помала содржина на шеќер од млечното, дополнително го зголемува нивото на серотонин.

Цели житарки

Целите житарки, како овесот, се богати со хранливи материи кои го стабилизираат шеќерот во крвта, спречуваат промени во расположението и промовираат смиреност.

„Одлични се за одржување стабилна енергија и подобрување на расположението“, вели др. Дасгупта.

Јаткасти плодови и семиња

Бадемите, чиа семките и оревите се богати со здрави масти и магнезиум, кои го регулираат расположението. Хафиз нагласува дека консумирањето на грст јаткасти плодови дневно може значително да го намали ризикот од депресија.

Лиснат зеленчук

Лиснатиот зеленчук како спанаќот, кељот и блитвата се богати со магнезиум, кој помага да се контролира стресот и да се подобри сонот.

Масна риба

Лососот и скушата се богати со омега-3 масни киселини, кои го намалуваат воспалението и кортизолот и го подобруваат здравјето и расположението на мозокот.

„Редовното консумирање масна риба има долгорочни придобивки за менталното здравје“, објаснува Дасгупта.

Бобинки

Боровинки, малини и капини се богати со антиоксиданси кои го намалуваат воспалението, го штитат мозокот и помагаат во борбата против стресот. „Нивните хранливи материи можат да го подобрат фокусот и смиреноста“, додава Хафиз.

Билни чаеви

Билните чаеви, како камилица и нане, не содржат кофеин и затоа не го нарушуваат сонот и не предизвикуваат нервоза. Хафез објаснува дека овие чаеви се смирувачки и можат да промовираат чувство на благосостојба.