Овие земји имаат чудни обичаи: Се поздравуваат со плукање, а на работа се голи

Секогаш кога патувате некаде, особено во земја која е поегзотична за вас, големи се шансите да доживеете културен шок. Овие примери се чист доказ за тоа.

Тоалетна хартија во Индија

Многу патници ќе бидат изненадени кога ќе откријат дека тоалетната хартија обично не се наоѓа во бањите во Индија. Поконкретно, Индијците обично имаат црево за вода или мала кофа со вода до тоалетот (најчесто тоалет за клекнување), кое се користи за подоцнежно перење. Користењето тоалетна хартија е генерално лоша идеја, имајќи предвид дека самите цевки во Индија не се со највисок стандард и може да се затнат со хартија.

Поздрав со плукање во Кенија

Иако плукањето се смета за крајно грубо во повеќето земји, народот Масаи од Кенија има малку поинаков став кон тоа, бидејќи плукањето е знак на почит. Така, членовите на племето ќе плукаат на дланките пред да се ракуваат, а потоа топло ќе ја подадат раката. Но, приказната не застанува тука бидејќи се вели дека се плука и по новородените деца и по невестите.

Забранети рози во Мексико

Ретко кој не сака да прима цвеќе, а розите обично се симбол на љубовта каде било во светот. Сепак, тука треба да се внимава со изборот на бои, погрешната може да биде прилично незгодна. На пример, во Мексико, секогаш држете се до црвените рози и никогаш не давајте жолти, кои симболизираат смрт.

Фрлање мебел во Јужна Африка

Многу земји ја дочекуваат Новата година со огномет, додека во Јужноафриканската Република остана поинаква традиција од крајот на апартхејдот. Додека ја чекаат Новата година, луѓето фрлаат мебел низ прозорецот на улица. Оваа традиција ја контролира полицијата.

Состаноци во финската сауна

Сауната е многу важна работа кога станува збор за финската култура. Служи не само како место за одмор, туку и како место за разговори за деловни прашања или дури и за политика. Всушност, вообичаена традиција во деловниот свет е колегите или деловните партнери да одат заедно во сауна и да разговараат во порелаксирана средина.