Овие знаци откриваат дека нивото на хормонот на стрес може да ви е покачено
Нутриционистот Ели Бречер, кој е водител на подкастот „The Gut 360“, предупредува дека „многу луѓе честопати дури и не знаат дека имаат покачено ниво на кортизол“ и ги сподели знаците на кои треба да се внимава. Како што објави порталот Експрес, кортизолот е примарен хормон на стрес и има многу важни функции во телото, но прекумерните количини можат да бидат штетни.
Бречер истакнува дека „високите нивоа на кортизол можат да предизвикаат различни симптоми во телото, а тие ќе варираат во зависност од причината“. Таа им советуваше на сите да обрнат внимание на овие пет најчести знаци:
- Зголемување на телесната тежина, особено во стомакот, лицето и горниот дел од грбот.
- Заоблено лице, со можно црвенило и испуканост.
- Тежок замор и зголемена раздразливост. Може да забележите тешкотии во концентрацијата и главоболки.
- Висок крвен притисок.
- Истенчување на кожата, што го олеснува создавањето модринки и може да доведе до мускулна слабост.
Како што објави „Експрес“, Брехер нагласи дека „симптомите можат многу да варираат и понекогаш можеби дури и не ги чувствувате или забележувате“. Сепак, секој што е загрижен за своето здравје треба да се консултира со својот матичен лекар.
Таа советуваше: „Доколку се сомневате на покачени нивоа на кортизол, потребно е тестирање, кое може да вклучува крв, плунка или урина, и се врши во лекарска ординација.“
