Овој европски град е најдобар за здравјето на жителите и туристите: Има 2.712 сончеви часа годишно
Платформата за резервации на патувања „Омио“ истражуваше кој европски град е најдобар за здравјето на жителите и туристите, и врз основа на 17 фактори, Мадрид го зазеде првото место на листата.
Толку многу фактори влијаат на нашето здравје и благосостојба во градовите, од квалитетот на воздухот и загадувањето до погодноста за пешачење и фитнес центрите што се нудат.
Платформата за резервации на патувања „Омио“ разгледа 17 различни критериуми за да ги рангира најдобрите европски градови за благосостојба.
Факторите вклучуваа ниво на загадување, квалитет на зелени површини, број на спа-центри, теретани и фитнес центри, тишина и сончево зрачење. Градот што го освои првото место, со вкупен резултат од 78,62 од 100, беше Мадрид.
Според студијата, шпанската престолнина добила добри оценки во сите области, особено благодарение на високиот квалитет на живот, фактот дека има 360 спа центри и 2.712 сончеви часови годишно. Впрочем, градот неодамна беше наведен меѓу најсончевите главни градови во Европа.
На второ место се најде Лисабон, кој е веднаш зад него со резултат од 75,36, но со оглед на тоа што градот најави создавање нови „тивки зони“ и бесплатно отвора некои од своите најбујни градини, оваа позиција воопшто не е изненадувачка.
Виена е на третото место, а целата листа на најдобри градови за здравје и благосостојба во Европа се состои од:
- Мадрид
- Лисабон
- Виена
- Прага
- Амстердам
- Хелсинки
- Копенхаген
- Талин
- Рим
- Загреб
- Будимпешта
- Љубљана
- Берн
- Берлин
- Луксембург
- Рига
- Софија
- Вилнус
- Атина
- Стокхолм
- Ереван
- Рејкјавик
