“ОВОЈ ЧОВЕК Е БОЛЕН!“ – Виктор Орбан повторно ја шокираше светската јавност: Го спореди проектот за обединување на ЕУ со стремежот на Адолф Хитлер за светска доминација

Премиерот на Унгарија, Виктор Орбан го спореди проектот за обединување на Европската унија со стремежот на Адолф Хитлер за светска доминација, објави медиумската агенција dpa.

„Уште од крајот на Римската империја, се прават напори за повторно воспоставување на истата територија“, изјави десничарскиот лидер во унгарскиот град Веспрем.

„Византија, Карло Велики, германскиот император Ото, Наполеон и Хитлер – сите сонуваа, секој на свој начин, за европско единство“, продолжи Орбан.

Според него, ситуацијата денес не е поинаква.

„Независното постоење на нациите и идејата за империја, национални култури и европски вредности, суверенитет и, како што беше изразено во Брисел, уште поблиска унија, се присутни истовремено“, додаде унгарскиот премиер.

Унгарија се приклучи на ЕУ во 2004 година. Орбан, кој е на власт од 2014 година на начин што се приближува кон авторитаризмот, како што пишува dpa, постојано се спротивставува на обврските што произлегуваат од членството во ЕУ.

„Овој човек е болен“, напиша на социјалната мрежа Фејсбук лидерот на унгарската опозиција Ференц Дурчани за споредбата на Орбан. Спомнувањето на Хитлер заедно со европската идеја е „болна, одвратна мисла“, додаде Дурчани.