Одлично уреден стан од 33 квадрати- Мала оаза на љубителите на литературата (ФОТО)

Ве водиме во домот на љубител на книги чија растечка колекција книги беше голем фактор во дизајнирањето на декорацијата на овој мал стан

Внатрешниот дизајн го дизајнираше студиото Red Cube Design, земајќи ги предвид желбите и потребите на сопственикот, за кого беше важно книгите да се постават во просторот на практичен и ефикасен начин и максимално да се искористи просторот. Главната просторија во станот се простира на околу 15 метри квадратни, додека кујната зафаќа шест од нив, а остатокот од просторот е наменет за бања, влезен хол и балкон.

Со цел да се создаде чувство на проток во просторот, дизајнерите одлучија да ја отворат кујната кон дневната соба, како и влезот во просторијата, така што единствената просторија со врата во внатрешноста на овој стан е бања. Со намалување на бројот на врати во внатрешноста, се поедноставува користењето на просторот. Целиот простор е уреден во ист стил и доследно, со мебел изработен од исти материјали, така што најголемиот дел од гардеробите се изработени од бел медијапан со вграден систем за отворање на допир, односно врежани рачки. Така, конечниот изглед на просторот е унифициран и усогласен, без излишни детали кои ја нарушуваат целината.