Откриена страшна вест за Русија и Украина! Двете земји достигнаа бројки што ја смрзнуваат крвта, доколку вака продолжи…

Украина мобилизира до 30.000 мажи за армијата месечно, што е два до три пати повеќе од оваа зима и приближно еднакво на бројот на мажи што ги мобилизира Русија секој месец, велат неименувани експерти.

Како што пренесува „Њујорк тајмс“, иако украинските власти одбиваат да ги објават овие бројки бидејќи станува збор за доверливи информации, тројца добро упатени воени експерти наведуваат дека од мај, кога стапи на сила новиот закон за мобилизација, Киев се јавува до 30.000 луѓе месечно во војска .

Експертите не сакаа да бидат именувани бидејќи информацијата е доверлива.

Овие извори наведуваат и дека мобилизацијата се уште не довела до значително зајакнување на украинските сили на бојното поле, пренесува украинска „Правда“.

Причината е што голем дел од мобилизираните се уште го завршуваат процесот на обука и се уште не пристигнале на фронтот.

Некои од бригадите на бојното поле, сепак, пријавија зголемен број на регрути кои пристигнуваат во последните недели, велејќи дека се надеваат дека приливот на нови војници ќе и помогне на Украина да ја стабилизира линијата на фронтот во текот на летото.

Двајца претставници на украинската армија задолжени за медиумите истакнаа дека ситуацијата се подобрува и дека приливот на нови војници сега е поголем отколку на крајот на минатата и на почетокот на оваа година, кога имаше акутен недостиг од работна сила.

Воениот аналитичар од Виена, Франц Стефан Гади, кој неодамна се врати од Украина, изјави дека во наредните недели на бојното поле ќе пристигнат голем број нови регрути, но пред тоа очекува руските сили да се обидат да направат нов голем пробив низ линиите на украинската армија.