Откриено е како ќе се облекуваат Сиријките по падот на Асад: Сириските бунтовници зборуваа за човековите права!

Сириските бунтовници кои на чело со Абу Мохамед ал Џолани ја соборија владата на претседателот Башар ал Асад и го принудија да ја напушти земјата, најавија дека нема да диктираат што носат жените и ветија дека ќе гарантираат лична слобода за сите.

Во соопштението објавено на социјалните мрежи, високата команда наведе дека е строго забрането да се меша во начинот на облекување на жените.

„Строго е забрането да се меша во облекувањето на жените или да се наметнуваат какви било барања во однос на нивната облека или изглед“, се вели во соопштението.

Во соопштението се нагласува и дека личната слобода е загарантирана за сите Сиријци и дека почитувањето на човековите права е основа за градење цивилизирана нација. Дополнително, главната команда најави воведување на нулта толеранција за насилство врз новинари и други лица кои работат во медиумите. За закани се осудени на една година затвор.

Абу Мохамед ал Џолани, водачот на сириските бунтовнички сили кои го соборија Асад, ги прекина своите врски со Ал Каеда.

Сега тој се претставува како застапник на различностите и толеранцијата.