Откриено што разговарале Путин и Орбан: „Целосно се согласија…“
Унгарскиот премиер Виктор Орбан и рускиот претседател Владимир Путин разговараа по телефон и целосно се согласија дека мора да се направи сè за да се одржи соработката во енергетиката, изјави денеска унгарскиот министер за надворешни работи Петер Сијарто.
Повеќе од еден час се разговараше за енергетската безбедност на Унгарија, војната во Украина и развојот на ситуацијата во Сирија, пренесе МТИ.
Сијрото рече дека сегашната американска администрација им отежнала на некои земји од Централна и Југоисточна Европа, вклучително и Унгарија, да плаќаат за природен гас и нуклеарно гориво. Сијарто рече дека Орбан и Путин се согласиле дека сите патишта мора да бидат темелно истражени „за да се елиминира овој проблем“.
Путин јасно стави до знаење дека Русија е посветена на одржување на енергетската соработка и гарантирање на снабдувањето со енергија на Унгарија, рече тој, додавајќи дека нема ништо што ќе спречи да се најде решение. Тој посочи дека веќе е најдено решение за шипките за гориво за унгарската нуклеарна централа и дека се разработуваат начини на плаќање за развој на доградбата Пакс, како и за трговијата со природен гас.
Кога станува збор за Украина, Сијарто ја истакна важноста да се одржат отворени дипломатските и комуникациските канали во сегашниот невиден опасен период. Унгарија, додаде тој, го задржа својот мир, а Орбан денеска опширно разговараше со Путин за постигнување одржливо мировно решение. Сијрото рече дека Орбан ја посети Флорида оваа недела за да се сретне со новоизбраниот американски претседател Доналд Трамп, а исто така се состана и со папата Франциско во Ватикан како дел од напорите за постигнување мировен договор.
Во врска со Сирија и ставот на Кремљ, тој рече дека Путин покажал интерес за обезбедување стабилност и мир на Блискиот Исток „за да не можат екстремистичките идеологии и политички движења“ дополнително да ја поткопаат безбедноста таму.
Прес-службата на Кремљ претходно денеска соопшти дека Путин и Сијардо разговарале за ситуацијата во Украина и на Блискиот Исток на иницијатива на унгарската страна. Како што се наведува во соопштението, Путин во разговорот со Орбан ја изразил својата оценка за деструктивната линија на Киев, која ја исклучува можноста за мирно решавање на конфликтот.
Рускиот претседател и унгарскиот премиер денеска разговараа и за тензичната ситуација во регионот на Блискиот Исток, во контекст на последните случувања во Сирија, додаде прес-службата на Кремљ.
