Откриен компјутер стар 2.000 години! Оваа машина и денес ги воодушевува научниците!

Историјата повторно нè изненади со откритието дека компјутерите не се нешто што човештвото го има од неодамна, туку луѓето ги имале пред два милениуми. Пред нешто повеќе од 100 години, случајно беше откриен древен компјутер, а по еден век оттогаш, научниците успеаја да го склопат и да утврдат за што се користел.

Механизмот на Антикитера ги збуни научниците откако беше пронајден по бродоломот во Грција во 1901 година. Се верува дека античкиот грчки уред со рачен погон се користел за предвидување затемнувања на небесни тела и други астрономски настани. Механизмот е опишан како астрономски компјутер, како и како прв аналоген компјутер во светот. Изработен е од бронза и има десетици запчаници. На задната страна е приказ на космосот и движењето на петте планети кои биле познати во времето кога бил направен уредот.

Еден труд објавен во списанието „Scientific Reports“ открива нов поглед на системот за пренос со сите детали и сложени делови. Задниот дел од механизмот беше склопен со претходни реконструкции, но составот на целиот негов систем на задна опрема остана мистерија. Научниците од Универзитетскиот колеџ во Лондон веруваат дека конечно решиле историска загатка користејќи тридимензионално компјутерско моделирање. Тие го обновиле целиот преден панел и сега се надеваат дека ќе изградат целосна реплика на Антикитера користејќи современи материјали.