Папата Лео ќе живее во луксузен дворец за разлика од папата Франциск (фото)

Папата Лав XIV ќе живее во Апостолската палата во Ватикан, за разлика од покојниот папа Франциск, кој живееше во Каса Санта Марта, или хотелот Ватикан.

Папските апартмани се наоѓаат на горниот кат од палатата, зграда од 16 век со поглед на плоштадот Свети Петар. Тие имаат околу 10 соби, вклучувајќи спална соба, приватна библиотека и студија, трпезарија, кујна и капела.

Резиденцијата не се користи како папски дом од 2013 година, кога папата Бенедикт XVI, откако се повлече од функцијата, ја напушти палатата.

Реновирањето на палатата е во тек, а се очекува папата Лав да се пресели некое време по неговата инаугуративна миса денес, изјави официјален претставник на Ватикан за Ројтерс.

Друг официјален претставник рече дека Ватикан верува оти би било полесно да се обезбеди безбедноста на новиот папа во палатата отколку во хотелскиот објект каде што живеел папата Франциск.

Тој беше првиот папа од 1870 година кој не живеел во палата, туку избрал својата резиденција да ја има во ватиканскиот хотел Санта Марта, објект во близина на јужниот ѕид на градот-држава во кој се сместени свештеници и други гости на Ватикан.

На Франциск не му се допаѓале некои од големите обележја на папството и рекол дека претпочита да живее во заедница заради своето „психолошко здравје“. Сепак, покојниот папа ја користел палатата за своите официјални состаноци и обично ги кажувал неделните молитви од прозорецот на зградата.