Париз: На Ајфеловата кула поставени петте олимписки кругови

– Организаторите на Олимписките игри во Париз денес на Ајфеловата кула ги поставија петте олимписки кругови, а француската престолнина е на 50 дена до почетокот на Летните игри.

Круговите направени од рециклиран француски челик се поставени на јужната страна на 135 години старата знаменитост во центарот на Париз, со поглед на реката Сена. Секој прстен е со пречник од девет метри.

Олимписките игри ќе се одржат од 26 јули до 11 август во Париз и во 16 други градови низ Франција.