Пекол во Грција: Луѓе бегаат од островот; Илјадници евакуирани
Грчките пожарникари трет ден по ред се борат со шумските пожари на грчкиот остров Крит, кои уништија шуми и маслинови насади и принудија илјадници жители и туристи да го напуштат островот.
Околу 130 пожарникари, 48 возила и шест хеликоптери работат на гаснење на пожарот во услови на силен ветер и суво време, што би можело да предизвика нови пожари во областите каде што се ставени под контрола, пренесува Ројтерс .
Пожарот, кој избувна во село на околу 16 километри источно од Иерапетра во среда, зафати површини обработливо земјиште во југоисточниот дел од островот, оставајќи мртви животни, оштетени домови и изгорени селски куќи.
Wildfires have devastated Greece’s Crete island, forcing the evacuation of over 5,000 residents and tourists as flames, fanned by gale force winds, continue to rage. Dozens of homes, hotels, and businesses have been destroyed. Hundreds of firefighters, helicopters, and emergency… pic.twitter.com/pegaHjeBna
— CNBC-TV18 (@CNBCTV18News) July 4, 2025
Околу 1.000 евакуирани жители пронајдоа привремено засолниште на стадионот и блиските хотели, а околу 5.000 туристи ја напуштија областа.
Многу од евакуираните треба да се вратат дома подоцна денес, бидејќи ситуацијата се подобрува, изјави Јоргос Капакос, заменик-гувернер на цивилната заштита за Крит.
Туризмот е клучна индустрија на Крит, најголемиот остров во Грција, а локалните хотелиери се загрижени за влијанието врз идните резервации бидејќи пожарот избувна на почетокот на летната туристичка сезона.
LES DERNIERES INFO : Incendie en Crète : des milliers de touristes évacués en urgence https://t.co/KhCFB7idwT] pic.twitter.com/4RA13AuHmN
— W⊕ям™ (@WormChester33) July 4, 2025
Во исто време, околу 148 пожарникари се бореа со пожар што избувна вчера во атинското предградие Пикерми, загрозувајќи многу домови, предизвикувајќи прекини во електричната енергија и принудувајќи ги властите да преместат повеќе од 300 луѓе на безбедно место.
Пожарот е ставен под контрола, но не е изгаснат, изјави претставник на противпожарната служба.
Се очекува температурата во Грција денес да достигне 38 степени, објави Грчката метеоролошка служба.
DW: Fires are raging in Greece & Turkey, and the flames are approaching resort areas. Thousands of tourists and locals have already been evacuated in Crete. In Antalya fires are occurring in residential areashttps://t.co/R4WEuYk8sYhttps://t.co/3w2Sp8r4Ylhttps://t.co/j66coob1Tb pic.twitter.com/nfkYpoVeYX
— 1C Developer (@developer_1c) July 4, 2025
Грција и другите медитерански земји се наоѓаат во област што научниците ја нарекуваат „жариште на пожари“, каде што пожарите се чести во текот на жешките, суви лета.
Пожарите станаа подеструктивни во последниве години поради брзите климатски промени.
