Петмина мртви во Србија, целото семејство е исчезнато: Паднале во септичка јама и се задушиле (фото/видео)

Страшна трагедија се случи вчера попладне во Топола, централна Србија, во која пет лица го загубија животот откако се задушија во септичка јама на семејна фарма. Според „Блиц“ , несреќата се случила кога еден човек паднал во јама, а други членови на семејството се обиделе да го извлечат. Тие самите загинаа во тој обид.

Петтата жртва почина денес

Пожарникарите и екипите на брзата помош веднаш пристигнале на местото на настанот.

Четири лица загинаа на самото место, додека петтата жртва, жена, беше пренесена во болницата во Аранѓеловац во критична состојба, каде што подоцна почина.

Меѓу жртвите се целото семејство и еден сосед

Меѓу загинатите се дедото, бабата, синот, внукот и соседот на семејството. Најмладата жртва беше дваесетгодишниот Филип Јокиќ, студент на Економскиот факултет во Крагуевац.

Колегите од факултетот се збогуваа со Јокиќ со емотивна изјава.

„Со длабока тага и неверица, ја примивме веста за трагичната смрт на нашиот колега Филип Јокиќ, кој, заедно со својот татко, дедо и баба, загина во несреќа во Топола.

Неговото заминување не е загуба само за семејството, туку и за целиот наш факултет и заедницата на која ѝ припаѓаше. Во овие тешки моменти, изразуваме најдлабоко сочувство до семејството Јокиќ. Со вас сме во нашите мисли, молитви и секој збор на поддршка. Почивај во мир, Филип“, рекоа тие.