Петти најскап играч во историјата на фудбалот а ниеден клуб веќе не го сака: Сите се обидуваат да се ослободат од него, еве зошто (фото/видео)

Кога Жоао Феликс блесна во дресот на Бенфика , сите мислеа дека тој ќе биде наследникот на Кристијано Роналдо. Сега, на 25 години, петтиот најскап фудбалер во историјата на фудбалот повторно се најде во ситуација никој да не го сака.

Тој оваа сезона е на позајмица во Милан и добро информираниот Фабрицио Романо изјавува дека нема смисла да остане во дресот на Росонерите кога ќе заврши позајмицата.

Не е ни чудо, бидејќи Милан немаше голема корист од заемот за кој плати 5.500.000 евра. Офанзивниот играч за врска пристигна од Челзи и забележа една асистенција на само девет настапи. Секако недоволно за да се оправда неговата огромна плата и секако не она што го очекуваше Златан Ибрахимовиќ од него во Милан.

Жоао Феликс почна да игра во младинскиот систем на Порто, но потоа се пресели во Бенфика. Многу рано влета во првиот тим и по само една сениорска сезона и 15 гола на 26 натпревари, стана еден од најскапите фудбалери во историјата.

Тој беше платен 127.000 евра од Атлетико Мадрид, но оттогаш никој не го сака. Откако тимот на Чоло Симеоне ја освои шампионската титула со него во сезоната 2020/21, тој едноставно исчезна. Не беше на теренот, Симеоне се обидуваше да го вклопи и многумина го обвинуваа тренерот и велеа дека не знае како да го искористи.

Потоа беше испратен на позајмица во Челзи во 2023 година на половина година, а самиот почеток добро ги опиша неговите шест месеци поминати во Англија. Играше против Фулам и доби црвен картон. На крајот одигра 16 натпревари и постигна четири гола, но „сините“ никогаш не помислија да го купат.

Потоа отиде во Барселона каде што почна добро, но не се задржа и потоа Челзи го купи, на изненадување на сите, за 55.000.000 евра. Кога повторно не се вклопи, беше испратен на позајмица во Милан.

Прашањето е: Каде ќе оди сега? Има 25 години, чини многу, платата му е превисока и никој не го сака.