Пет знаци на аутизам кај децата, препознајте ги на време
Оценувач на аутизам ги сподели најчестите знаци на аутизам што ги гледа кај децата, вклучувајќи задоцнет говор и повторувачки движења.
Аутизмот е биолошко развојно нарушување на мозокот. Поради природата на неговото потекло и манифестација, аутизмот е многу сложено нарушување. Главните карактеристики на аутизмот се слаба или никаква социјална интеракција и комуникација, ограничени и повторувачки модели на однесување. Според овие карактеристики, аутизмот се разликува од другите нарушувања од групата на нарушувања од аутистичниот спектар.
Конор Мекдона, сопственик и директор на Caerus Therapies, кој нуди проценка и поддршка на аутизмот, ги сподели петте најчести знаци на аутизам кај децата.
- Повторувачки движења без очигледна причина, како што се нишање, скокање, вртење.
- Одложен говор – обично децата користат зборови до 18 месеци и два збора до 24 месеци.
- Сетилни тешкотии – на пример, нетолеранција кон одредена облека, чувствителност на бучава, пребирливо јадење итн.
- Извршна дисфункција – слаба концентрација, расеаност, тешкотии при решавање на проблеми.
Повторување зборови или фрази – често без очигледна причина, ги повторува истите зборови или фрази неколку пати по ред.
