Поведена истрага по нападот на фудбалскиот судија Мелер на средбата Анкараѓуџу – Ризеспор

– Претседателот на турскиот суперлигаш Анкараѓуџу, Фарук Коџа, со тупаница го удри фудбалскиот судија Халил Умут Мелер на теренот по последниот свиреж на натпреварот против Ризеспор.

Анкараѓуџу и Ризеспор во натпревар од 15. коло на турската Супер лига во Анкара ремизираа 1:1, а претседателот на домашниот клуб Коџа, незадоволен од судењето на Мелер, по завршувањето на средбата физички го нападна главниот судија.

Од добиениот удар судијата Мелер падна на земја.

Министерот за правда на Турција, Јилмаз Тунч, изјави дека е поведена судска истрага против одговорните за нападот на судијата Халил Умут Мелер.

„Поведена е истрага против одговорните за нападот на судијата Мелер што се случи на крајот од средбата Анкараѓуџу – Чајкур Ризеспор“, објави министерот Тунџ на социјалните мрежи.

И министерот за млади и спорт на Турција, Осман Ашкин Бак, го осуди нападот на судијата Мелер.

Претседателот на Фудбалскиот сојуз на Турција, Мехмет Бујукекси, најостро го осуди нападот на судијата и најави остри казни за виновниците.

„Ова е срамен удар за турскиот фудбал. Сите што се вмешани во овој инцидент ќе ја платат цената“, рече Бујукекси.