Политичкото аташе на Амбасадата на САД го посети Бошњачкиот демократски сојуз
Политичкото аташе на Амбасадата на Соединетите Американски Држави во Скопје го посети Бошњачкиот демократски сојуз (БДС).
На состанокот присуствуваа претставници од Амбасадата на САД, Заменик шеф за политички и економски оддел и политички асистент, а од Бошњачкиот демократски сојуз присуствуваа претседателот на партијата Мунир Колашинац и членот на извршен одбор Елдан Џигал.
БДС на состанокот ја изрази благодарноста за посетата и ја информираше делегацијата на Амбасадата на САД за досегашните активности, достигнувања и предизвици со цел подобрување на статусот и положбата на Бошњаците во Северна Македонија, но и активности со цел подобрување на животот на сите граѓани во мултикултурното општество.
