Популарниот пијалок го уништува здравјето на цревата

Здравствените експерти сè повеќе ги поттикнуваат луѓето да размислат за нивниот дневен избор на храна, особено кога станува збор за пијалоци. Иако некои пијалоци може да изгледаат како здрави и освежителни опции, тие можат да имаат непријатен ефект врз дигестивниот систем. Нерамнотежата во цревата може да доведе до надуеност, замор, па дури и пад на имунитетот – а еден вообичаен пијалок е значаен фактор за тоа.

Според експертот за здравје на цревата, Стивен Хегарти, токму сокот од портокал може да направи повеќе штета отколку корист.

,,Иако многу луѓе го сметаат за здрав начин да се започне денот, сокот од портокал е преполн со шеќер – честопати повеќе од газираните пијалоци. Овој вишок шеќер може сериозно да ја наруши рамнотежата во цревата, оставајќи ги троми“, предупредува Хегарти за Дејли експрес.

Освен што предизвикува скокови на шеќерот во крвта и дигестивни тегоби, овој сок често доведува до пад на енергијата и полошо расположение подоцна во текот на денот. Хегарти објаснува: „Ви дава почетен наплив на енергија, но потоа брзо станува пад што влијае на вашата целокупна благосостојба“.

Нерамнотежата во цревниот микробиом, предизвикана од прекумерен внес на шеќер, може дополнително да влијае на варењето на храната и способноста на телото да апсорбира хранливи материи.

Наместо тоа, експертите препорачуваат поблаги опции кои хидрираат и го поттикнуваат варењето, како што е топла вода со лимон. Покрај изборот на пијалок, важно е и што јадеме.

,,Изберете интегрална храна како овесна каша, јајца или растителни извори на протеини како леќа и грав“, заклучува Хегарти.