Поради царините на Трамп, пивото ќе поскапи во Америка: Сè е скриено во бирократските документи

Тарифите што ги воведе американскиот претседател Доналд Трамп се главна тема ширум светот, а секојдневно се откриваат нови детали „скриени“ во бирократските документи.

Еден таков детаљ се однесува на пивото, еден од најпопуларните пијалоци во САД. Во документите објавени од Белата куќа, а кои се однесуваат на овие тарифи, пивото се смета за „производ поврзан со алуминиум“, што го прави предмет на царина од 25 проценти.

Важно е да се истакне дека оваа давачка се однесува на пивото увезено во САД во други пакувања, не само во алуминиумски лименки.

Ова ќе биде особено важно за европските пивари, кои извезуваат пиво во вредност од 1,1 милијарда долари годишно, но и за мексиканските пивари, кои сочинуваат 60 отсто од пивото што се увезува во Америка секоја година.

Треба да се каже и дека проблем ќе имаат и американските пиварници. Голем дел од алуминиумот во Америка доаѓа од Канада, што значи дека оваа суровина ќе чини 25 отсто повеќе, поради царините на Трамп, за производителите на пиво во САД.

Засега нема да има реакција, барем не од Европската Унија. Европската комисија „бавно и јасно ќе реагира“ на тарифите на Трамп, а со ова се согласуваат и групите што ги претставуваат пиварниците во Европа.