Поранешната свршеница на Метју Пери расплака многумина: Беше брилијантен, но и комплициран, ми остави големо влијание

Од Александра Последно обновено Окт 31, 2023

Како што истакнува, актерот би сакал целиот свет да зборува за неговиот талент

Метју Пери , кого сите ќе го паметат како легендарниот Чендлер Бинг, за жал почина пред неколку дена на 54-годишна возраст. Многумина се чувствуваат како да изгубиле пријател кој успеал да ги насмее до солзи. Сега се огласи неговата поранешна свршеница Моли Хурвиц.

Таа објави трогателна порака посветена на Метју, која многумина ги расплака.

Тој би сакал светот да зборува за тоа колку бил талентиран. И навистина е – започна таа, а потоа додаде:

– Како што се приближуваше собирот на „Пријатели“ , заедно ја гледавме серијата. “… јас бев толку добар! Дали видовте што направив таму?”. Се вративме назад и ги проучувавме сцените. Нашата почит и ценење на хуморот е нешто што нè обврза. Да се биде со него додека тој повторно ја открива својата брилијантност е магично.

Но, таа се осврна и на не толку убавите работи, но истакна дека и за тоа е благодарна.

– Но, се разбира, го познавав тој човек на поинаков начин. Иако го сакав подлабоко отколку што можам да објаснам, тој беше комплициран и знаеше како да предизвика болка за која не знаев дека постои. Никој во мојот живот немал такво влијание врз мене како Метју Ленгфорд Пери. За тоа јас сум му вечно благодарна, поради се што научив од нашата врска. Мети, се чувствувам мирно затоа што знам дека си во мир. „Искрено, Мол-о-Рама“, заклучи Моли.

Инаку, двајцата беа во врска неколку години, до 2021 година, а Метју дури планираше да се ожени со неа. Меѓутоа, наместо свадба, дошло до раскинување, чии детали не се познати.