ПОРАНЕШНИОТ МИНИСТЕР 2 ЧАСА ВО РЕСТОРАН ја тепал сопругата: Жената паднала и никогаш не станала КАМЕРИ ГИ СНИМАА ПОСЛЕДНИТЕ МОМЕНТИ ОД ЖИВОТОТ (ВИДЕО)
Судот во Казахстан објави видео на кое се гледа како поранешниот министер за економија до смрт ја тепа сопругата во ресторан!
На видеото се гледа како Куандик Бишимбаев (43) брутално ја тепа Салтанат Нукенова (31) во ресторан на еден негов роднина. Видеото беше споделено пред Врховниот суд на земјата на првото судење за убиство објавено на социјалните мрежи. Судењето го шокираше Казахстан и поттикна десетици илјади граѓани да потпишат петиции за построги казни за семејно насилство.
Бишимбаев, кому му се заканува затворска казна до 20 години, на почетокот на судењето тврдеше дека неговата сопруга починала кога паднала и ја удрила главата во тоалетот на 9 ноември минатата година. Сепак, снимките од надзорните камери директно се спротивставуваат на неговото тврдење, бидејќи се гледа како политичарот ја удира со тупаници и клоци својата беспомошна сопруга повеќе од два часа. Бишимбаев потоа минатата среда конечно призна дека ја претепал и „ненамерно“ и предизвикал смрт.
— Pluton (@Pluton45873221) April 5, 2024
На видеото се гледа како се расправаат пред ресторан во главниот град на Казахстан Астана. Бишимбаев бесно ја тепа и ја влече сопругата за коса и ја удира четири пати додека таа е на земја. Потоа ја фаќа за врат и ја удира во глава. Нукенова се обидува да стане, но повторно ја клоца и ја влече за коса.
Друго видео, снимено од камера во фоајето на ресторанот, покажува како министерот го продолжува бруталниот напад. Ја фаќа сопругата за врат и ја влече зад аголот. Нукенова може да се види како паѓа на земја и се обидува да се оддалечи додека нејзиниот сопруг ја фаќа за коса и ја влече во собата.
— Pluton (@Pluton45873221) April 5, 2024
– Бишимбаев ја скрши вратата и продолжи да ја тепа. Ја фатил Салтанат за врат и почнал да ја дави, по што таа изгубила свест – изјави обвинителот за време на судењето минатиот месец.
Бишимбаев тогаш наводно мирно седнал да јаде.
Нукен беше пронајден мртов од трауматска повреда на мозокот следното утро во еден од ВИП кабините на ресторанот. Бишинбаев пред судот призна дека повикал јасновидец за совет наместо да повика брза помош.
Нукенова беше третата сопруга на Бишимбаев. Медиумите јавуваат дека нападот дошол откако таа јасно кажала дека сака да го остави. Нукенова неколку пати се обидела да го остави, тврдејќи дека повеќепати била тепана од нејзиниот сопруг.
Судењето продолжува.
