Потврдено е дека комплексот на Мосад бил погоден од Иран: Мета и дом на озлогласената Единица 8200

Геолокацијата потврди дека Иран го погодил оперативниот центар на израелската разузнавачка служба Мосад во Тел Авив со балистички ракети, означувајќи го овој напад како директен напад врз срцето на израелската разузнавачка инфраструктура.

Како што објави иранската државна телевизија, „Револуционерната гарда на Исламската Република Иран го погоди центарот на воено-разузнавачкиот апарат на ционистичкиот режим – Аман, како и центарот за планирање терористички операции, Мосад, во Тел Авив. Објектот моментално е во пламен“, се вели во соопштението прочитано на телевизија, чие седиште во Техеран беше цел на израелски воздушен напад еден ден претходно.

Нападот се случил во текот на утрото во вторник, 17 јуни, петтиот ден од војната меѓу Иран и Израел. Иранските сили испалиле нова серија балистички ракети кон израелска територија, а меѓу погодените цели биле клучни објекти на израелската разузнавачка заедница во Херклија, северно од Тел Авив.

Според повеќе извори, вклучувајќи независни аналитичари на OSINT, нападот бил прецизно насочен кон зграда во областа Глилот, каде што се наоѓаат седиштето на Мосад и Единицата 8200 – израелската воена разузнавачка единица специјализирана за електронски надзор, сајбер операции и пресретнување на комуникации.

Снимките што кружат на социјалните мрежи го покажуваат моментот кога една од ракетите ја погодува зградата, испраќајќи густи облаци од чад што се креваат кон небото над Херцлија и северен Тел Авив. Геолокациската анализа потврди дека погодената област го вклучува и кампот Дајан, дом на Военото училиште за разузнавачки операции на израелската армија (ИДФ).

Иран го опишува овој напад како продолжение на „легитимна одмазда“ за, како што тврдат, континуираната израелска агресија и кршењето на суверенитетот на другите земји во регионот.

Израелските медиуми продолжуваат да известуваат под строга воена цензура, па затоа сè уште нема потврда за обемот на штетата или евентуалните жртви. Официјалните израелски институции не ги коментираа тврдењата за погодените објекти на Мосад и други воено-разузнавачки структури.

Ве потсетуваме дека нападите од ваков тип претставуваат ескалација досега невидена во современите односи меѓу Иран и Израел. Доколку се потврдат сите обвинувања за директни напади, ова е еден од најсмелите напади врз израелските безбедносни институции во последните децении.