Потрошувачката и производството на јаглен во Европската Унија на историски ниско ниво

Во текот на 2024 година, Европската Унија ги забележа најниските нивоа на потрошувачка и производство на јаглен во историјата, покажаа податоците на Евростат објавени денес.

Како што е наведено, производството на јаглен се намали за 12 проценти на годишно ниво на 242 милиони тони, додека потрошувачката се намали за 13 проценти на годишно ниво на 306 милиони тони.

Ова намалување доаѓа по уште подраматичното намалување помеѓу 2022 и 2023 година, кога потрошувачката на јаглен се намали за 23 проценти, а производството за 21 процент. 

Уделот на јагленот во производството на електрична енергија во Европската Унија е намален од 16 проценти во 2022 година на само 12 проценти во 2023 година, што потврдува дека овој извор на енергија се користи сè помалку во енергетскиот сектор.

Увозот на јаглен од Русија помеѓу 2021 и 2023 година се намали за дури 98 проценти поради санкциите, што предизвика значителна промена во структурата на добавувачите од Европската Унија.

Според податоците, во 2023 година, 90 проценти од нето увозот на јаглен во ЕУ доаѓал од пет земји: Австралија и САД, по 25 проценти, Колумбија 18 проценти, Јужна Африка 14 проценти и Казахстан 9 проценти, според веб-страницата на Евростат.