ПОЧИНА МАЛАТА ИНДИ, СИТЕ СЕ ЗБОГУВААА: Неутешените родители ги споделија сите детали
Неутешните родители објавија дека нивната малечка починала во моментот кога биле исклучени уредите кои ја одржувале во живот.
Нејзините родители, кои се поддржани од невладината организација „Кристијан Концерн“, ги загубија правните битки пред Високиот суд и Апелацискиот суд во Лондон.
Критично болното осуммесечно девојче Инди Грегори денеска беше симнато од апарати за одржување, откако судот во Лондон одлучи дека ограничувањето на лекувањето ќе биде легално и во најдобар интерес на детето.
Портпаролот на непрофитната организација „Кристијан Концерн“ објави дека лекарите денеска го исклучиле апаратот за одржување во живот, истакнувајќи дека девојчето од медицинскиот центар „Квинс“ во Нотингем, каде што се лекува, било префрлено во хоспис.
Инди, ќерката на Дин Грегори и Клер Станифорт од Илкестон, Дербишир, боледувала од ретка митохондријална болест поради која нејзините клетки не произведувале доволно енергија и била на целосна животна поддршка од почетокот на септември.
Тимот специјалисти задолжени за нејзиното лекување изјавија дека ништо повеќе не може да се направи за неа, и дека понатамошното лекување ќе ги продолжи нејзините маки.
Нејзините родители кои се поддржани од невладината организација „Христијанска загриженост“ ги загубија правните битки пред Високиот суд и Апелацискиот суд во Лондон.
- Таа е девојка со која се трудевме да се однесуваме најдобро што можеме. Страшната реалност е дека таа умира – сведочеше еден од нејзините лекари на суд.
Тој изјавил дека Инди еднаш била реанимирана девет пати во еден ден, пренесува британски Телеграф.
Да потсетиме, ватиканската детска болница Бамбино Гесу во Рим се понуди да помогне во случајот со ова девојче, како што тоа двапати го направи за другите британски деца, но и во тој случај британскиот судија рече „не“.
