,,По една голтка, почна да повраќа крв“ Шокантно сведоштво по труењето на млад човек во Риека, полицијата на терен

Официјално е потврден уште еден случај на труење откако на социјалните мрежи се проширија пораки со предупредување до граѓаните да не консумираат сокови и води произведени од „Кока-Кола Хрватска“ бидејќи може да доведат до труење.

КБЦ Риека сега потврди еден случај на труење.

– Во КБЦ Риека едно лице е примено на одделот под сомнение за хемиска реакција на хранопроводникот. Нејзината состојба моментално е стабилна, а индицираните дијагностички и терапевтски процедури продолжуваат – велат оттаму.

Сведокот кој бил со младиот човек (19) кој бил отруен, за хрватските медиуми раскажал како изгледало сè.

– Тоа беше страшно. Одеднаш почна да паничи, ништо не разбравме. Не знаевме што се случува. Само викаше и мавташе со рацете. Викаше дека не може да дише. Истрча во тоалет, почна да повраќа крв, беше ужасно. Катастрофа – вели сведокот за 24 часа.

Соговорникот додава дека среќата во несреќата е што младиот човек испил една мала голтка.

– Не смеам да давам изјави сè додека истрагата е во тек, но нема да молчам и ќе кажам што имам штом надлежните служби си ја завршат работата. Барам разбирање – рече тој.