По смртта на папата Франциско сите ги гледаат овие два филма: Еднаш гледаноста се зголемила за 417 отсто

Смртта на папата Франциско предизвика бројот на гледачите на филмот „Конклава“ од 2024 година да се зголеми за дури 283 отсто на стриминг платформите, а гледаноста на филмот „Двајцата папи“ исто така е зголемена за 417 отсто.

Папата Франциско почина рано во понеделникот – ден по Велигден – на 88-годишна возраст по компликации од мозочен удар.

Гледаноста на филмот „Конклава“ се зголеми за 283 отсто во понеделникот, откако веста за смртта на папата Франциско се рашири низ светот, според Луминат, кој ја следи гледаноста на стриминг содржините. Филмот е достапен на различни платформи и е за избор на нов папа.

„Conclave“ собра речиси 1,8 милиони минути гледаност на 20 април, а до крајот на 21 април таа бројка достигна 6,9 милиони минути гледаност.

„Конклава“, со Ралф Фајнс и Стенли Тучи во главните улоги, беше режиран од Едвард Бергер и беше номиниран за Оскар за најдобар филм и најдобар актер.

Друг филм со тематика на Ватикан, драмата на Нетфликс од 2019 година „Двајцата папи“, исто така предизвика обновен интерес. Гледаноста е зголемена за 417 отсто од неделата кога собра 290.000 минути гледаност, а до понеделник достигна 1,5 милиони минути гледаност.

Актерската екипа на „Конклава“ често беше прашана за здравјето на папата Франциско за време на сезоната на награди, бидејќи папата беше хоспитализиран поради откажување на бубрезите кон крајот на февруари. За тоа време, актерската екипа на „Конклава“ присуствуваше на доделувањето на наградите SAG, каде ѕвездата Изабела Роселини на сцената рече: „Најпрво, би сакале да му посакаме на папата Франциско брзо закрепнување“.

По смртта на папата Франциско, неколку големи имиња во Холивуд споделија емотивни почести за него на социјалните мрежи. Режисерот Мартин Скорсезе објави соопштение во кое ја нарече смртта на папата „огромна“ загуба за светот.