Првата црква во историјата на Турција како република ќе ги пречека верниците во недела

– Првата црква изградена во ерата на Туркије како република ќе ги отвори вратите за верниците во недела.

На церемонијата во 2019 година, на која присуствуваше турскиот претседател Реџеп Таип Ердоган, беа поставени темелите на православната црква „Свети Ефрем Сирин“ во Јешилќој на европската страна на Истанбул.

Саит Сусин, претседател на Фондацијата „Сириак Кадим“, во изјавата за Анадолу ја изрази својата возбуда поради отворањето на црквата.

Сусин истакна дека целиот процес на изградба на црквата траел 10 години.

Потсетувајќи се на краткото одложување на отворањето на црквата поради смртоносните земјотреси што ја погодија Туркије во февруари оваа година, Сусин рече: „Отворањето ќе го реализиравме на 19 февруари, но земјотресите на 6 февруари нѐ спречија. Беше голема трагедија за државата. Во такви околности не доаѓаше предвид да го реализираме отворањето.“

„Постојано ни ѕвонат телефоните. Ова, исто така, е престиж за нашата земја. Праќа позитивна порака за предрасудите од странство во однос на нашата земја. Се надевам дека молитвите што се нудат овде ќе бидат инструментални за зајакнување на единството и заедништвото на нашата земја“, истакна Сусин.

Црквата, дизајнирана како проект на пет ката во празен простор на латинско-католичките гробишта, се наоѓа во Јешилќој во Истанбул.

Еден кат од петкатната црква е резервиран како културна сала за да се состанува заедницата по церемонии, како што се крштевки, погреби и свадби, како и за состаноци и конференции.

На приземјето се наоѓаат епископските конаци, собите за гости и паркингот.