Првиот извештај за кобните 4,6 секунди на авионот Сингапур Ерлајнс во кој загина едно лице: Пропаднал 54 метри
Прелиминарните наоди од истрагата за лет на Сингапур Ерлајнс погоден од силни турбуленции минатата недела покажаа дека брзата промена на гравитацијата и губењето на висина од 54 метри предизвикале повреди, соопшти во средата Сингапурското Министерство за транспорт.
Еден патник почина, најверојатно срцев удар, а десетици се повредени откако на летот SQ321 на Singapore Airline од Лондон до Сингапур наиде на, како што опиша авиокомпанијата, ненадејна, екстремна турбуленција додека леташе над Мјанмар. Министерството соопшти дека истрагате е во тек.
Летот SQ321 од Лондон до Сингапур со авион Боинг 777-300ER, кој превезуваше 211 патници и 18 членови на екипажот, мораше принудно да слета во Бангкок поради силните турбуленции кои ги исфрлија патниците и членовите на екипажот околу кабината, а некои удрија во таванот.
Во изештајот се вели дека пилотот ги предупредил патниците да ги стават појасите.
