ПРВИОТ ЧОВЕК НА ПЕНТАГОН Е ТЕШКО БОЛЕН – Лојд Остин го пуштиле дома, па итно бил вратен во болница поради фатална дијагноза !?

Државниот секретар за одбрана на Соединетите Американски Држави (САД), Лојд Остин (70 г.) боледува од рак на простата.

Информациите за болеста на првиот човек на Пентагон беа објавени во вторник од Националниот воено медицински центар „Волтер Рид“.

Во соопштението за печатот се наведува дека ракот на Лојд Остин бил откриен на почетокот на декември. Според информациите, на 22. декември, Лојд Остин бил подложен на минимално инвазивна хируршка процедура наречена простатектомија за лекување на рак.

„За време на процедурата беше под општа анестезија. Лојд Остин непречено закрепна од операцијата и се врати дома следното утро. Рано му е откриен ракот на простата, а прогнозата е одлична“, се наведува во соопштението за печатот.

Сепак, на 1. јануари, Лојд Остин бил повторно примен во болница поради компликации кои вклучуваат гадење со силни болки во стомакот и болки во колковите и нозете.

„Утврдено е дека има инфекција на уринарниот тракт“, се наведува во соопштението.

Во текот на последните осум дена од лекувањето, според докторите, Лојд Остин никогаш не изгубил свест и никогаш не бил подложен на општа анестезија.

Претходно не беше јасно дали Лојд Остин бил под анестезија за време на операцијата.

Дури во петокот беше откриено дека Лојд Остин бил хоспитализиран на 1. јануари и дека со денови е во болница без да ја информира јавноста. Подоцна беше објавено дека ниту претседателот на САД, Џо Бајден, ниту високите функционери за национална безбедност, ниту заменик-секретарот за одбрана Кетлин Хикс, која ги презеде должностите на Лојд Остин, не знаеле за хоспитализацијата на Лојд Остин до три дена откако тој бил примен.