Први снимки од крвавата пресметка во Нови Пазар: Млад човек прободен со нож во градите, па побегнал, полицијата трага по напаѓачот
Повредениот Б.Р се здобил со три убодни рани, две во раката и една во градниот кош, полицијата влегла во трага на напаѓачот, но тој се уште е во бегство
На улицата „Вељка Влаховиќа“ во Нови Пазар , околу 22 часот и 30 минути дошло до крвава пресметка меѓу две млади момчиња, од кои едното се здобило со убодни рани со остар предмет во пределот на рацете и градниот кош, јавува Индексонлајн .
Повредениот веднаш бил пренесен во Општата болница во Нови Пазар, каде му била укажана потребната лекарска помош.Според неофицијални информации од местото на настанот, полицијата му влегла во трага на напаѓачот, но тој се уште е во бегство .
Во моментов полициски службеници вршат увид на местото на настанот.
Во судир меѓу две групи млади момчиња на мотори, како што наведува Сањакданас , со нож опасни по живот повреди се здобил Б.Р. Меѓу учесниците во инцидентот бил и осомничениот за нападот С.М. Според првите информации неговата состојба се уште не е стабилна, повредениот Б.Р се здобил со три убодни рани, две во раката и една во градниот кош.
Полицијата веднаш интервенирала на местото на настанот и започнала истрага за расветлување на сите детали од овој немил настан. Во рамки на истрагата С.М е привремено задржан , а полицијата апелира до сите сведоци да се јават и да дадат дополнителни информации кои би можеле да помогнат во понатамошниот тек на истрагата, наведува Сањакданас.
Ова не е првпат во овој дел од градот да се случуваат насилни инциденти , што предизвикува загриженост кај локалното население.
Понатамошниот тек на истрагата се очекува да открие повеќе детали за мотивите и околностите кои довеле до оваа насилна пресметка.
