Првото бебе со тројца родители родено во Велика Британија

Првото бебе во Велика Британија создадено со ДНК на три лица е родено откако лекарите спроведоа револуционерна процедура за ИВФ, чија цел е да спречи наследување на неизлечиви болести, пишува Гардијан. Техниката позната како митохондријална донација (MDT) користи ткиво од јајце клетки на здрави женски донатори за да се создадат ембриони со ИВФ кои немаат штетни мутации што ги носат нивните мајки, а кои најверојатно би ги наследиле нивните деца.

Бидејќи ембрионите ги комбинираат спермата и јајце клетката на биолошките родители со ситни батериски структури наречени митохондрии од донаторското јајце, добиеното бебе има ДНК на мајката и таткото, како и обично, плус мала количина од генетскиот материјал на донаторот, околу 37 гени.

Процесот го покренал терминот „бебе од три родители“ иако повеќе од 99,8 проценти од ДНК кај бебињата потекнува од мајката и таткото. Истражувањето за MDT, кое е познато и како митохондријална заместителна терапија (MRT), го започнаа лекарите во Центарот за плодност во Њукасл.

Целта на работата беше да им се помогне на жените со мутирани митохондрии да имаат бебиња без ризик од пренесување на генетски нарушувања. Луѓето ги наследуваат сите свои митохондрии од нивните мајки, така што штетните мутации во „батериите“ можат да ги погодат сите деца што ги има жената.

За засегнатите жени, природното зачнување често е ризик. Имено, некои деца можат да се родат здрави бидејќи наследуваат само мал дел од мутираните митохондрии, но други можат да наследат многу повеќе и да развијат тешки, прогресивни и често фатални болести. Околу едно од 6.000 бебиња имаат митохондријални нарушувања, објаснуваат експертите.

„Причината поради која промената се гледа во клетките на некои деца родени по процедури за МРТ, но не и кај други, не е целосно разбрана“, вели Даган Велс, професор по репродуктивна генетика на Универзитетот во Оксфорд, кој учествувал во споменатото истражување.