Пред да стане ѕвезда чувала деца! Лепа Брена ѝ била дадилка на оваа пејачка, излегоа сите детали! (фото)

Лепа Брена е една од најголемите фолк ѕвезди на Балканот на денешницата, но некои детали од животот на популарната пејачка и’ се малку познати на јавноста. Една од нејзините први работни места била поврзана со нејзината помлада колешка.

Имено, Брена ја започнала својата музичка кариера како млада девојка, но пред да пее била принудена да се занимава со други работи, за да им помогне на своите родители со кои не живеела богато како денес.

Нејзиниот татко издржувал петчлено семејство со плата на медицински техничар, додека нејзината мајка повремено заработувала како шивачка, а кога Брена во 1979 година се преселила во Белград на студии, била принудена да најде работа.

Таа одговорила на оглас за семејство на кое му била потребна дадилка за нивната ќерка Ана, која тогаш имала само неколку месеци. Младиот брачен пар Цвета и Томислав тогаш на Брена и’ платиле стан во Ташмајдан, а таа се грижела за нивната ќерка и ја чувала по потреба. Но, подоцна се испостави дека малата Ана, за која се грижела, денес е и пејачка.

Станува збор за пејачката и поранешна членка на групата „Тар 011“ Ана Штајдохар, која своевремено за медиумите ги сподели деталите од оваа интересна анегдота.

– Навистина не се сеќавам на тој период, бидејќи бев бебе. Она што го знам е она што го слушнав од моите родители. Тогаш Лепа Брена беше само Фахрета Јахиќ, таа живееше во мал стан што и’ го изнајмија моите родители, долу под Ташмајдан. Инаку, таа работеше како дадилка и ме чуваше кога немаше никој. Набрзо нејзината кариера тргна во нагорна линија, а од тој период остана оваа симпатична анегдота. Исто така, може да се каже дека Брена некако ме предодреди да пуштам музика – изјави Ана еднаш за локалните медиуми.