Пред 70 години, стјуардесите мораа да ги исполнат овие барања! Луѓето се шокирани – како е ова можно?

Списокот со барања од 1964 година беше споделен на Редит, а многумина не можеа да го сокријат својот бес.

На интернет беше објавен список со услови за стјуардесите од 1954 година. Секое барање беше пошокантно од последното.

Списокот на барања го објавија две американски авиокомпании, а насловот на документот е „Квалификации за стјуардеси“.

Стјуардеса не смее да има дечко или вереник

Во далечната 1954 година, правилата беа исклучиво за жени. Првото барање за стјуардеса е да нема момче и во никој случај не смее да се вери.

Други правила вклучуваат меѓу 22 и 28 години, висина помеѓу 158 и 165 сантиметри и тежина меѓу 45 и 54 килограми.

Исто така, идната стјуардеса мора да има добар вид и да не носи очила, да има здрави заби и добра фигура.

Витки нозе, природна коса, убави раце…

Дополнително, за да се вработите како стјуардеса во Чикаго и Саутерн Ер Лајнс, требаше да имате витки нозе, необоена, природна коса и најмалку четири години на факултет или две години на факултет и две години работно искуство.

Стјуардесата мора да знае да води жив разговор, да има избалансиран темперамент бидејќи не смее да биде испровоцирана од барањата на патниците, да биде подготвена и желна да ги задоволи патниците и да биде подготвена за трансфери.

Но, листата не завршува тука. Покрај тоа што е државјанин на Соединетите Американски Држави, идната стјуардеса мора да биде и во одлично здравје со чиста кожа и убави раце.

Луѓето шокирани од списокот со барања од пред 70 години

Списокот со барања од пред 70 години шокираше многу луѓе.

„Боже, ова е толку одвратно“, напиша еден корисник на Редит. „ Ова звучи како куп момци кои седат околу машина за пишување и еден од нив повремено вели: „О, и не заборавајте ______“, се пошегува друг. „Ми се допаѓа како е се буквално површно. Се е до изгледот“, забележа трето лице.

Дискриминаторските барања се сменија

Иако листата стана вирална поради нејзините бизарни барања, историчарот и поранешен пилот Ден Баб, кој е професор на Универзитетот во Невада, Лас Вегас, рече дека барањата изгледале „точни“ за тоа време.

 „ Многу млади дами сакаа да станат стјуардеси затоа што изгледаше гламурозно, беше забавно и можеа да патуваат и да го видат светот“, објасни Баб.

Тој додаде дека барањата се сменети затоа што оригиналните биле сфатени како дискриминаторски.

– Стјуардесите сепак мора да изгледаат привлечно и да се облекуваат професионално и да подлежат на ригорозни тренинзи и тестови, но ограничувањата за висината и тежината во голема мера исчезнаа – заклучил тој, пренесува Unilad.