Пресврт! Ослободен е хулиганот кој беше осомничен за убиството на навивачот: Клучен доказ го спаси од долгогодишна затворска казна (фото)

Пред две недели се случи несреќа во Грција кога Михалис Кацурис, навивач на АЕК, беше избоден до смрт во тепачка меѓу домашните и хулиганите на Динамо Загреб.

Процесот е во тек, а последните информации велат дека е ослободен човекот за кој се претпоставуваше дека е главен осомничен.

Во еден момент грчките портали објавија дека убиецот не бил Хрват, туку навивач на Панатинаикос – клуб кој има братски односи со Динамо.

Меѓутоа, сега сè е сменето и судењето утврдило дека Гркот тој кобен ден не бил ни во Атина и бил ослободен.

– Осомничениот тој понеделник бил во Кефалонија, а не во главниот град и затоа беше ослободен од обвиненијата. Во исто време, истражителот и обвинителот не се договорија дали на споменатиот навивач треба да му се ограничи движењето, бидејќи едниот смета дека нема потреба од тоа кога е утврдена невиност, додека другиот има различно мислење – се наведува.

Случајот сè уште не е расветлен и се зголемува притисокот од јавноста за пронаоѓање на убиецот, па во овој случај се вклучија надлежните органи и врвот на двете земји, Грција и Хрватска.

Да потсетиме, навивачот на АЕК од Атина, Михалис Кацурис (29) беше убиен во понеделникот, на 8 август, за време на грозоморните судири на улиците на главниот град на Грција, кога се случи тепачка меѓу хулиганите од Динамо Загреб и AEK.