Принцот Хари побара една од најголемите отштети досега за хакирање приватни телефони: Британските медиуми мора дебело да му платат !?
Принцот Хари делумно го доби судењето против британскиот медиум Daily Mirror. Драматичното судење траеше седум недели, а Хари стана првиот член на кралското семејство во последните 130 години што се појави како сведок на суд, пишува весникот The Guardian.
Војводата од Сасекс тврди дека со години бил мета на уредниците на весници, тужејќи ги за хакирање телефон и друго незаконско однесување за да добијат информации за неговиот приватен живот. Како пример за наводите, тој наведе десетици вести, за неговиот однос со поранешната девојка Челзи Дејви и неговото семејство, како и оние поврзани со за употреба на дрога, кои беа објавени помеѓу 1995 и 2011 година во Daily Mirror, Sunday Mirror и People.
Судењето ги разоткри методите на британските таблоиди, како и улогата на поранешниот уредник на Daily Mirror, Пирс Морган и мрежа на приватни истражители. Адвокатите на Хари тврдеа дека високите уредници и извршни директори во Mirror Group Newspapers Ltd. (MGN) биле свесни за неправилното постапување, но тоа не ги спречило да објавуваат информации што ги добиле незаконски.
Според The Guardian, Хари на моменти изгледал како да плаче додека дава докази. Принцот рекол дека британските весници незаконски го напаѓале цел живот, а потоа се потрудиле да ги прикријат тие траги. Медиумите, како што вели тој, му ги уништиле односите и го оставиле со напади на депресија и параноја.
Тој инсистираше на цврсти докази и дека ќе почувствува неправда ако го изгуби случајот.
„Хакирањето на телефони беше на индустриски размери во најмалку три весници во тоа време, без сомнение“, вели тој.
Во пошироката парница се вклучени и пејачката Шерил и имотот на Џорџ Мајкл.
Принцот Хари побара отштета од 440.000 фунти, една од најголемите афери за хакирање телефони досега. MGN призна дека незаконски собрале информации во една прилика, кога новинар од магазинот People платил 75 фунти на приватен истражител за незаконски да добие информации за посетата на Хари на лондонскиот ВИП ноќен клуб „Chinawhite” во 2004 година, но дека надоместокот треба да биде само 500 фунти.
Адвокатот на Хари, Дејвид Шерборн, вели дека клучниот доказ се милионите електронски пошти и телефонски броеви снимени за да го поддржат тврдењето на Хари, кои намерно се уништени.
