Пробиени познати казина во Лас Вегас – украдени податоци на посетители
Хакерската група „Scattered Spider“ нападна познати казина, вклучувајќи ги и оние во хотелите „Caesars Palace“, „Bellagio“ и „MGM Grand“. Како што е познато, биле украдени податоците на честите посетители.
Оние кои имаат навика, а да не зборуваме за зависност, да ги посетуваат казината во Лас Вегас, би можеле – освен да губат пари – да имаат и друг проблем. Според американските медиуми, минатата недела хакери интензивно нападнале голем број казина, меѓу кои и познатите и посетените, во хотелите Цезар Палас, Белаџо и МГМ Гранд.
Големите компании Caesars Entertainment и MGM Resorts потврдија дека биле жртви на сајбер напад, со голем број различни последици.
Голема финансиска штета
На пример, гостите во хотелот MGM Grand не можеа да влезат во своите соби користејќи дигитални клучеви или да трошат пари на сметката за нивната соба во изминатите неколку дена. Главниот извор на приходи, машините за коцкање, исто така биле „замрзнати“ на одреден временски период и не можеле да заработат.
Нешто посериозни последици ќе почувствуваат честите посетители на хотелот Цезар Палас, бидејќи таму биле украдени личните податоци на корисниците од програмата за лојалност. Меѓу компромитираните податоци се броевите на социјалното осигурување и возачката дозвола, кои се користат за идентификација на корисниците.
Caesars Entertainment го пријави случајот до ДИК, тврдејќи дека се работи за напад од социјален инженеринг. Така, хакерите измамиле подизведувач, вработен во ИТ поддршка и го искористиле пристапот до информацискиот систем за да ја украдат целосната база на податоци од програмата за лојалност. Во истрагата е вклучен и ФБИ, а експертите проценуваат дека оперативните проблеми предизвикале големи финансиски загуби за неколку казина.
Безбедносната компанија на Google, Mandiant Consulting, ја сомничи хакерската група „Scattered Spider“ за овие напади, за кои беше откриено дека биле насочени кон синџири на хотели и казина во последните недели. Иако експертите сметаат дека членовите на оваа група се „помлади и помалку искусни“, сепак тие се сметаат за сериозна закана за големите организации. Нивните седишта се во САД и Обединетото Кралство.
Блумберг дознава дека Caesars Entertainment веќе им платила десетици милиони долари како откуп на овие хакери, веројатно за да не бидат објавени украдените податоци во јавноста. Плаќањето на откупот, знаеме, не е гаранција дека тоа сепак нема да се случи.
