Пукање во финско училиште: Малолетникот (12) кој испукал куршуми кон своите врсници во полиција изјавил дека бил жртва на малтретирање

12-годишно момче кое уби соученик и рани две девојчиња во основно училиште во Финска и’ кажало на полицијата дека го малтретирале – соопштено е денеска.

Ученик од шесто одделение е уапсен откако со пиштол пукал кон своите врсници во училиштето во градот Вантаа, во близина на Хелсинки.

Полицијата соопшти дека едно од ранетите девојки има двојно државјанство на Финска и Косово.

Пиштолот е на роднината на момчето – напаѓач.

„Утврдено е дека мотивот на тој чин е насилство од врсници“ – соопштија од Полициската управа која ја води истрагата.

Минималната возраст за кривична одговорност во Финска е 15 години, што значи дека осомничениот не може формално да биде уапсен.

Денеска во Финска беше ден на жалост поради тој напад.