ПУКАЊЕ ВО ЧАИР: Двајца повредени, напаѓачите побегнале во непознат правец

Двајца скопјани се повредени во оружен напад на подрачјето на Чаир во Скопје. Тие биле нападнати од неколку вооруѓени со огнено оружје и со остар предмет. Случајот е пријавен во полиција, а по напаѓачите се трага.

„На 07.04.2024 во 18:58 часот во СВР Скопје било пријавено дека на подрачјето на Чаир, А.П.(22) и А.П.(23), двајцата од Скопје, со огнено оружје и остар предмет биле нападнати од неколку лица, при што А.П.(23) бил повреден со остар предмет, додека А.П.(22) се здобил со повреди од огнено оружје. Извршен бил увид и се преземаат мерки за расчистување на случајот, по што ќе следува соодветен поднесок“ – стои во известувањето од МВР.